張德蘭祝願渡難關 (2007-10-12 06:05:00)
東方日報電子報
 
肥姐是眾人的開心果,她曾給大家帶來不少快樂,今天,來自四方八面的圈中藝人,都紛紛為躺在病榻上努力掙扎的肥姐送上祝福。肥姐,加油!

張德蘭:「我同肥姐已經好少見面,但我一直有留意報紙肥姐報道。當年四朵金花,我只得十幾歲,肥姐最大,係我哋嘅大家姐,佢好錫我,每樣都關心到,衫、唱歌、企位、飲食她都照顧得到,祝福肥姐可以渡過今次難關!」

夏雨:「知道肥姐入院,個心好翳,我同肥姐認識好多年,係好朋友,溫哥華同佢飲過茶。(會唔會去探佢?)聽講佢昏迷緊,等佢好番先,希望肥姐大步檻過。」

吳家樂:「我有聯絡過佢但未搵到,收唔到消息,唔知佢依家乜情況,好擔心,希望係小問題!其實前兩日我都有同肥姐通過電話,仲約下星期出食飯,我知前兩日欣宜拍MV,佢都有一齊去,仲做訪問!(講電話時佢精神嗎?)把聲冇乜特別,對答好清楚!」

梁思浩:「我電台做節目時知道肥姐入院,睇到新聞片有擔心佢,但可能好多我心,希望佢每個關口都過得到!我都擔心傳媒會影響欣宜等家人,佢已經好怴A希望大家畀空間佢!」